Gode påsketradisjonar skal ein halde på! Tradisjonen tru samla store mengder fastbuande og hyttefolk seg i Likvikja på Skjærtorsdag. Tradisjonen tru pøsa regnet ned i år og… men det finnast som kjent ikkje dårleg vêr:) Tom var bål- og teljesjef, og han kom fram til at rundt 150 turgåarar hadde trossa vêret.

I Likvikja stod Bygdelaget Havglimt for deilig kaffi på bålet, og folk såg ut til å storkose seg med svidde pølser og drøs med naboen. Dette er ein fin måte å treffe sambygdingar og tilreisande på i ferien.

På turen til Likvikja baud Ytterøyane 4H på hjernetrim. 15 postar med alle slags mulige (og umulige) spørsmål skulle svarast på undervegs – anten ein kom frå Rognaldsvåg i vest, eller indre/ytre Reksta i aust. På siste post, som var i sjølve Likvikja, avslutta ein med å treffe (eller bomme;) med tre plastkorkar i ei bøtte.

FASIT NATURSTI:

• Reka skiftar frå han- til hokjønn når den er 2-4 år
• Proteininnhaldet i reker er 18 %
• Skata føder levande ungar
• Vindstyrken på 48-55 knop er full storm
• Eit okkulterande fyr (Oc/Occ) har lange periodar med lys og korte periodar med mørke
• Sektorane frå fyr og lykter som angjer farleg / ureint farvatn er raudt eller grønt
• Kvalsteinen ligg lenger sør enn Ålvora og Stårøyna
• Bilde av Olai er tatt i Humrevikja
• Vårjamdøger er døgnet då natt og dag er like lange overalt på jorda
• Den ufordragelege naboen til Donald Ducke heiter Jensen
• Kardinalmerket på bildet var sydmerket
• Dersom du er under 16 år kan du IKKJE føre ein båt med motor over 10 HK
• Kvikk lunsjen har 4 sjokolade striper
• Toppen på Store Batalden er 495 moh.
• På siste post kunne ein oppnå 3 poeng om ein var treffsikker

RESULTAT:
FAMILIE/TEAMKLASSE – 7 lag:

• Team Aldersheimen 13 poeng
• Team Sigrid i Garden 12 poeng
• Tove&Knut 11 poeng

BARN – 22 deltakarar:

• Sunna (klubb Ullaland) 15 poeng
• Sondre (klubb Ullaland) 15 poeng
• Olai Kvellestad 13 poeng

VAKSNE – 17 deltakarar:

• Hans-Jacob Sunde 15 poeng
• Tore Bjørnsen 15 poeng
• Karen-Sofie Lorentzen Sunde 15 poeng

Biletserie med 26 bilete — bla med å trykkje på pilene