Velkommen til Reksta – ei levande øy i Flora kommune, Sogn og Fjordane

Reksta på langs - på ut.no

Å gå Reksta på langs, anten over eit, to eller tre fjell – eller langs sjøen er blitt populært. Flora Turlag har lagt to av sine onsdagsturar ut her i år (og dei siste åra). Sjå flotte bilde her. I tillegg arrangerte kommunen turen for sine tilsette tidleg i vår, og Helse Førde har hatt to turar no i juni. Flora Turlag arrangerer neste Rekstatur onsdag 26. juni, frå Selvåg til Rognaldsvåg.

Ytterøyane 4H har rydda og merka stiane, slik at det er lett å finne fram, og stiane er godt opptrakka. I tillegg er sørsida frå Selvåg til Rognaldsvåg – langs sjøen – merka som pilegrimsruta “Sunnivaleia”. Det ligg turbøker på Storefjellet, Vasslifjellet og Harefjellet.

Begge turane Reksta på langs – trefjellstur og Reksta på langs – pilegrimsturen Sunnivaleia ligg no ute på nettsida ut.no.

Gå til ut.no og søk på Reksta så finn du turbeskriving og kart. God tur!

Vist 283 gonger. Følgt av 1 person.
Annonse

Nye bilder