Velkommen til Reksta – ei levande øy i Flora kommune, Sogn og Fjordane

Viser arkivet for august, 2012

Kjelleren

Koselig å se "basar " i kjelleren " Der gikk vi på dans i slutten av 50 årene ,men var også basar av og til Hyggelig

3 fjellstur på Reksta

Reksta på langs med Flora Turlag gjekk av stabelen i yrande regn, som onsdagstur 8. august. 25 turgåarar kom på land i Selvåg med fireruta. Der venta det 11 lokale turgåarar, slik at det tilsaman var 36 personar som fullførte turen. Dette er andre gongen i år at turlaget arrangerar denne turen. I slutten av juni gjekk turen unna i strålande sol og 40 turgåarar, utan at alle som ville fekk plas på båten den gongen.

Les meir og sjå bilde

Årets basar i Rekstakjellaren

Laurdag 21. juli gjekk årets basar av stabelen i Rekstakjellaren. Tradisjonen tru var det mykje folk samla i den gamle skulehuskjellaren. Basarkomiteen hadde jobba intenst med å rigge på plass alle gjevinstane, og fått på plass både kaffi, saft og kaker i store mengder.

Som vanleg gjekk åresalet godt unna, og folk jubla over å vinne meir eller mindre nyttige ting:) Heldigvis blir det framleis produsert ein del heimelaga gevinstar. Så både heimestrikka gryteklutar, varmande lubbar og vottar er populære å vinne. Elles var det både lekre skjerf,ryggsekkar, fiskeslukar og søt sjokolade å vinne.

Nytt av året var premiering for turbøkeneStorefjellet og Vasslifjellet. Folk har vore flinke til å springe på fjella! Lars Erik Reksten og Anita Øygard vann for flest turar, og fekk blandebatteri frå Ahlsell og gåvepremie på kr 500 frå PSWinCom. Inger Reksten Stigedal og Adrian Nygård vart trekt ut mellom turgåarane og fekk kvar sitt gåvekort frå A til Å på kr 250. Det er berre å springe på fjellet, for til neste år blir det kanskje du som vinn:)

Reksta Ungdomslag takkar elles alle bidragsytarar med ca 15.000 ferske kroner i lagskassa, etter basaren.

Fotograf Inga Øygard Reksten:

Biletserie med 5 bilete — bla med å trykkje på pilene