Velkommen til Reksta – ei levande øy i Flora kommune, Sogn og Fjordane

Viser arkivet for stikkord reksta

Sommarsol og vinnarlukke

Laurdag 12. juli var ein strålande sommardag – og basaren i Rekstakjellaren vart ein strålande suksess! Det flotte vêret gjorde truleg sitt til at ikkje fullt så mange som tidlegare år fann vegen til det gamle skulehuset på indre Reksta. Vi var likevel mange som kosa oss med kaffi, kaker, saft og masse lodd!

Det var god gammaldags basarstemning med åresal og trekking av gevinstar i alle storleikar og fasongar. Her gjekk folk lukkelege heim igjen etter eit par timars drøs – med alt frå heimespøta lubbar, huer og vottar til flytedressar og flugepisker “under armen”.

På basaren trekte vi og ut 4 heldige turgåarar som har skrive seg i bøkene på Vasslifjellet og Storefjellet – dei fekk kvar sitt gåvekort på sportsutstyr. Turaktiviteten har vore stor med til saman over 800 namn i turbøkene sidan basaren i fjor!

Basaren gav Reksta Ungdomslag heile 17.000 i kassa, og det er vi kjempefornøgde med! Pengane skal gå til vedlikehald av Rekstakjellaren – i tillegg til straumrekning og forsikring av bygget.

Reksta Ungdomslag takkar alle som stilte opp med gevinstar, kaker og vinnarlukke;) – slik at denne årlege tradisjonen er kjekk å halde på med!

Biletserie med 10 bilete — bla med å trykkje på pilene

Onsdagstur over Reksta

- Dette var fantastisk flott! – For eit fint turterreng! – Eg er jammen glad eg blei med på denne turen! Slike tilbakemeldingar fekk vi etter at 33 turglade Sunnfjordingar var med og gjekk Reksta på langs i ettermiddag.

Det var Flora Turlag sin onsdagstur som gjekk frå Selvåg i aust til Rognaldsvåg i vest – over Storefjellet, Vasslifjellet og Harefjellet. Vi brukte i underkant av 3 timar på turen og i følge turappen gjekk vi 7 km og til saman 550 høgdemeter opp og ned. På alle toppane er det turbøker, som fekk mange nye namn i dag, og kanskje blir det ein gevinst på ein av dei som skreiv seg i “manntalet”.

Nokre få av turgåarane valde å gå “Sunnivaleia” langs sjøen på sørsida, frå indre Reksta til Rognaldsvåg. Alle hadde matpause undervegs, men då vi kom vest til Rognaldsvåg var det godt å komme i hus og i livd for ein forholdsvis kald nordavind.

Hans Jakob og Ingrid serverte nysteikte vaflar og kaffi i Ingrids hjørne, og i tillegg kunne turgåarane leske seg med is og anna godteri frå butikken. Nærmare kl 21 tok dei tilreisande rutebåten inn igjen til fastlandet – etter nok ein vellukka tur frå våg til våg.

Biletserie med 19 bilete — bla med å trykkje på pilene

1. mai-feiring på Reksta

Eit lite, men svært engasjert 1. mai-tog snigla seg over Vasslifjellet og Storefjellet på Reksta i dag. 4 personar og 2 parolar kan skape både engasjement og godt humør!

Under parolane JA til storboss i øyane og NEI til granplanting i øyane gjekk toget med liv og lyst oppover bakkar og nedover gjel. På Storefjellet vart det halde appell, der temaet var at ingenting kjem av seg sjølv, og at vi framleis må stå saman i kampen for rettferd. Appellanten Johnny avslutta med 3 vers av Stein Over Berg sin song Ta hverandre i handa og hold:

Vi har gått under faner og flagg
på en lang vei fra natt imot dag.
Hån og spott har vi tålt,
men når styrke blir målt
var vi sterkest – vi kjempet i lag.

Nei, nå gjelder det mere enn før!
For hvis samholdet rakner og dør,
venter fiender nok
som vil splitte vår flokk.
Og vår flamme blir aske og glør.

Du skal synge, men aldri i moll!
Du skal kjempe, men aldri med vold!
Tusener støtter vår sak,
så vær stolt og stå rak!
Ta hverandre i handa og hold!

Etter at Internasjonalen hadde runga over Storefjellet – via Spoify – vart feiringa avrunda med lunsj i Langevikja, der både sild og poter, kaffi og sjokolade stod på menyen. Eit forfriskande 1. mai-tog i sol og nordavind, som var prega av viktige politiske samtaler og lun humor :)

Biletserie med 9 bilete — bla med å trykkje på pilene

Vått og flott i Likvikja

Kor du enn snudde deg i Likvikja på Reksta i dag, så såg du regnkledde folk. Øyfolket trassa vêr og vind og stilte mannsterke opp til påska sitt høgdepunkt – natursti og grilling i Likvikja. Vi talde heile 90 frammøtte – og det må vi vere godt fornøgde med.

Alfred var tidleg på plass med tørr ved, og hadde fyrt opp tre flotte bål i fjæresteinane. Han serverte skikkeleg bålkokt kaffi til alle. Så var det berre for oss andre å finne fram pølsene og pinnane.

Dei 15 postane på veg til Likvikja vart løyste med liv og lyst – og vi fekk ikkje inn ein tørr kupong! Dei måtte omstendeleg tørkast framfor omnen, før svara kunne tydast og premilelista settast opp.

Her er fasiten på naturstien, i tillegg til dei 14 postane kunne ein oppnå 4 ekstra poeng med å kaste diverse ting opp i ei bøtte:

Biletserie med 7 bilete — bla med å trykkje på pilene

Her er topplista:

  • Team Hege i Garden, 13 poeng
  • Agnes Reksten, 12 poeng
  • Team Valvik, 11 poeng
  • Mass-Bendik Ø. Reksten, 11 poeng
  • Dina N. Kvellestad, 10 poeng
  • Team Lina Ø.R., 10 poeng
  • Linn Theres Svarthumle, 10 poeng
  • Team Garden (Siv), 10 poeng
  • Matias L. Sunde, 10 poeng
  • Team Nils Gunnar B., 10 poeng
Biletserie med 19 bilete — bla med å trykkje på pilene

Påsketrim til Likvikja

Tradisjonen tru blir det påsketrim med hjernetrim i Likvikja skjærtorsdag kl 12.

  • Natursti med 15 spørsmål
  • Bål i fjæra
  • Grilling
  • Kaffikos

Alle er hjarteleg velkomne!

Måneskinnstur til Harefjellet

I kveld var vi 5 turlystne som gjekk til toppen av Harefjellet i måneskinn. Det var litt skya, så det var godt å ha med hauelykta…

Det er alltid flott å komme opp til varden (218 moh.) og nyte utsikta, og i kveld var den spektakulær – med snø, månelys, nattleg lys frå byen i aust og frå båtar og plattformar i vest.

Biletserie med 5 bilete — bla med å trykkje på pilene

Ein strålande januardag, med mykje båt på sjøen! Turboka på Storefjellet ligg pakka inn i ein vasstett pose inn i varden.

Nytt år - nye turmuligheiter

Januar er tida for dei gode forsetta. For dei fleste betyr det eit mål om å bevege seg meir. Her på Reksta er det utruleg mange måtar å gjere dette på. Det er tre toppar med turbøker, der du kan registrere aktiviteten, og attpåtil vinne premie om du er heldig og ivrig nok.

Les meir og sjå bilde

Stormfullt romjulsbad på Reksta

Stormen stogga ikkje det tradisjoneller romjulsbadet i Rekstavågen. 9 friskusar trassa stormen og heiv seg ut i bølgene 1. juledag. Vindstyrken målte vi ikkje, men det var 7 grader i lufta og 7 grader i sjøen :)

Reksta Romjulslaugarlag samla kring 20 tilskodarar som fekk god underhaldning og julegløgg med tilhøyrande julekaker i ly av bua i Garden.

Biletserie med 35 bilete — bla med å trykkje på pilene

Julekonserten sette julestemninga på Reksta

Årets julekonsert samla kring 90 personar i Rognaldsvåg bedehus på sjølvaste julaftan. Her vart det ein times konsert som starta med operasong av Øystein Rambøl og Amanda Rosa.

Resten av konserten stod det lokale julekoret for. Her fekk folk høyre både tradisjonelle julesongar og nye innslag, som “Har du fyr” og nederlandsk barnesong.

Biletserie med 17 bilete — bla med å trykkje på pilene

Kva skjer på Reksta i jula?

Her er årets juleplakat for øya i vest – som er klar for julefest :)

Vi manglar julesnøen, men vi garanterar julestemning om du blir med på konserten i bedehuset julaftan kl 14. Øystein Rambøl og Amanda Rosa opnar konserten før Julekoret syng jula inn. Her blir det gamle og nye julesongar, solistinnslag og høgtlesing, og sjølvsagt allsong og julegløgg. Gløym heller ikkje juletrefesten 2. juledag.

Sjølv om det ikkje står på plakaten, så blir det sjølvsagt romjulsbad i Rekstavågjen! Reksta Romjuls Laugarlag satsar på å hoppe i havet 1. juledag, kl 14. Bli med då vel!

Ønskjer alle ei triveleg jul og eit strålande godt nytt år!!!

Julegrana er klar for tenning

I dag er julegrana saga og sett opp på kaia i Rognaldsvåg. Grana er saga ved Langebakkjen og ein dugnadsgjeng fekk den på plass i foten, ved butikken på kaia.

Då er det berre å møte opp til julegrantenning på kaia kl 17 i morgong. Etterpå blir det kaffi, kaker og julegløgg + BASAR på skulen. Velkommen til eit triveleg førjulstreff!

Biletserie med 4 bilete — bla med å trykkje på pilene

All time high - Reksta på langs

Så langt i år har rundt 170 personar gått Reksta på langs, frå Selvåg til Rognaldsvåg. Signe Nordvik og Flora Turlag har lagt sin elsk på turløypene og øya, og hittil i år er det organisert 5 turar her:

Les meir og sjå foto

Reksta på langs - på ut.no

Å gå Reksta på langs, anten over eit, to eller tre fjell – eller langs sjøen er blitt populært. Flora Turlag har lagt to av sine onsdagsturar ut her i år (og dei siste åra). Sjå flotte bilde her. I tillegg arrangerte kommunen turen for sine tilsette tidleg i vår, og Helse Førde har hatt to turar no i juni. Flora Turlag arrangerer neste Rekstatur onsdag 26. juni, frå Selvåg til Rognaldsvåg.

Ytterøyane 4H har rydda og merka stiane, slik at det er lett å finne fram, og stiane er godt opptrakka. I tillegg er sørsida frå Selvåg til Rognaldsvåg – langs sjøen – merka som pilegrimsruta “Sunnivaleia”. Det ligg turbøker på Storefjellet, Vasslifjellet og Harefjellet.

Begge turane Reksta på langs – trefjellstur og Reksta på langs – pilegrimsturen Sunnivaleia ligg no ute på nettsida ut.no.

Gå til ut.no og søk på Reksta så finn du turbeskriving og kart. God tur!

Hipp hurra for ein strålande 17. mai!!!

Årets 17. mai er no feira etter alle kunstens reglar her på Reksta. Gradestokken har krope over 20 talet, vinden har vore flau og sola har så vidt kikka innom :) eit strålande 17. mai vêr!

På indre Reksta starta vi med tog til Vasslifjellet på føremiddagen. Vi var 15 muntre turgåarar som var utstyrt med både fløyte og flagg. Ved Likjevatnet var det servering av kake, champagne og jordbær. Etter ein times tur med mange fotostogg undervegs, var det heim igjen for omkledning til den store 17. mai festen i Rognaldsvåg skulehus. Heile indre Reksta køyrde dei 5 kilometrane i pynta lastebil, med høg stemning om bord :)

Biletserie med 12 bilete — bla med å trykkje på pilene

I Rognaldsvåg var det nytt tog, som gjekk til både Rognsøya og Tofta, før vi møtte “byfolket” på kaia. Vi mangla musikk i toget, men med roping og hoing blir det likevel god stemning.

På skulen var det nydeleg rømmegraut og eit bognande kakebord – i kjent stil! Takk til Olaug og Ingrid som gjorde ein kjempejobb på kjøkenet!

Både små og store deltok på sekkeløp og 60 meteren i tillegg til idealtid til og frå ferista. Tusen takk til alle for ei strålande feiring!

Biletserie med 13 bilete — bla med å trykkje på pilene

17. mai feiring 2013

Alle er hjarteleg velkomne til årets 17. mai feiring i Rognaldsvåg.

Vi startar med tog kl 13.30 – og så går det slag i slag med rømmegraut, pølser, is, kaffi og masse kaker. Litt leikar blir det og tid til :)

Kva skjer i påska?

Her er dei viktigaste tinga som skal skje på Reksta i påska:

Skøytedag på Vasslifjellet

Vi har for tida eit strålande vintervêr – vindstille med kuldegrader og sol! Slikt vêr gjev oss mange gode muligheiter til flotte uteaktivitetar, og vi veit å nyte det:) Folk går på tur på kryss og tvers av øya, og pilketurar på sjøen er ein flott januaraktivitet – torsken bit!

Les meir og sjå bilde

Reksta Romjulslaugarlag sette ny rekord

I år gjekk det årlege romjulslauget av stabelen 1. juledag. Det var samla overe 40 personar på kaia i Garden inne i Rekstavågen, og 13 barske laugarar hoppa ut i det kalde vatnet – ca 4 grader… Når Reksta Romjulslaugarlag hoppar i havet skjer det med skrik og skrål, og mykje latter. Vanlegvis plar 4 – 5 personar delta i julebadet, så i år var det ny rekord!

Les meir og sjå video og bilde

Julekonsert gir julestemning

Tradisjonen tru stilte “Julekoret” på Reksta opp med konsert og god julestemning i Rognaldsvåg bedehus på julaftan. Her samlast “alle” på øya, for å synge jula inn i lag med koret, og for å få den gode julestemninga på plass. Benkeradene i bedehuset var fyllt til randa i år, slik at galleriet måtte takast i bruk.
Les meir…

Stålis på Storevatnet

8. desember inviterte Ytterøyane 4H til leik på isen på Storevatnet, på nordsida av Reksta. Isen var så tjukk at vi gav opp å måle den etter å ha bore 8-10 cm ned gjennom stålisen.
Les meir og sjå bilde…

Skjeltefest i november

Eit lite glimt frå den berømte skjeltefesten i Klokkarløa på Reksta. I år gjekk den av stabelen 24. november, og vi kunne feire 10 års jubileum! Firdaposten si utskremte Liv Standal var på plass med penn og kamera:)

Kva skjer på Reksta i jula og julestria?

Her har du ei oversikt over alle dei planlage aktivitetane i juletida og julestria – kanskje dukkar det opp fleire:)