Velkommen til Reksta – ei levande øy i Flora kommune, Sogn og Fjordane

Viser arkivet for stikkord snø

PANGstart i Ytterøyane 4H

1-2-3-4HOPP

Laurdag 6. februar var det PANGstart i Ytterøyane 4H. Det vil sei at alle kom i gang med 4H prosjekta sine. Dei ni medlemane har valt oppgåvene mekking, trearbeid, form og fantasi, skyting, baking, sau og aspiranten. På pangstarten har alle skrive ei plan over kva dei skal jobbe med og korleis, fram til haustfesten i oktober. Har god tru på at alle gjennomfører med glans! Sjølv om alle planar blir litt endra undervegs – vegen blir til mens vi går oss vill;)

Innimellom intens prosjektplanlegging og grautmåltid var vi ute og brukte det fantastiske vintervêret vi har her ute i havet. Gutane hadde sett seg ut ein skavl oppunder fjellet, og den vart utprøvd både med ski, akebrett og rumpa. Det var knallhard skare, så det vart mange harde møte med kong vinter…

Olai vart fjorten år denne dagen, så han fekk ein ekstra PANGstart på bursdagen. Vivian stilte med kaker og brus – så både Olai og vi fekk ein god avslutning på 4H-dagen.

Bla deg gjennom bilda frå skileik og bursdagsfeiring:

Biletserie med 11 bilete — bla med å trykkje på pilene

Juletrehogst med julestemning

Mange tre å velje mellom

Årets juletrehogst gjekk unna i skikkeleg vintervêr i dag. Olav og Ingebjørg inviterte til hogst i skogen og graut på låven, og mange fann vintervegen til Hågjen. Etter at juletrea var ferdig hogne vart det servert gløgg og graut inne på låven. Det gjorde godt, for det var kaldt ute.

Plutseleg dukka det opp tre smånissar på spark – dei hadde hatt ein lang og strevsom tur frå Nordpolen, men var like blide:) Det var tre rause nissar som delte ut julegodt og mandarinar.

Dette er ein flott tradisjon – så takk til vertskap, nissar og grautkokarar!!

Bla deg gjennom bilda under:

Biletserie med 12 bilete — bla med å trykkje på pilene